«Дзень цвярозасці» правядуць у Круглянскім раёне 7 лютага

Рэдакцыя Reform.news · 13 студзеня 2026, 07:44

https://reform.news/be/dzen-cvjarozasci-pravjaduc-u-krugljanskim-rajone-7-ljutaga/

Круглянскі райвыканкам у гэтым годзе тройчы будзе забараняць продаж алкагольных напояў. Сёння на Нацыянальным прававым інтэрнэт-партале апублікавана рашэнне выканкама №42-8 ад 30 снежня.

«Дні цвярозасці» ў гэтым годзе ў Круглянскім раёне пройдуць 7 лютага і 1 верасня. У гэтыя дні будзе забаронены продаж алкаголю. Таксама алкаголь не будзе прадавацца 13 чэрвеня ў сувязі з правядзеннем выпускных вечароў ва ўстановах сярэдняй адукацыі.

Забарона, як звычайна, не датычыцца продажу алкаголю ў аб’ектах грамадскага харчавання ў разліў.