Мадура не прызнаў сябе вінаватым у судзе
Рэдакцыя Reform.news · 5 студзеня 2026, 20:43
https://reform.news/be/madura-ne-pryzna-sjabe-vinavatym-u-sudze/Нікалас Мадура і яго жонка Сілія Флорэс паўсталі перад федэральным судом Паўднёвай акругі Нью-Ёрка 5 студзеня.
Мадура і Флорэс абвінавачваюцца па чатырох пунктах:
- змова з мэтай наркатэрарызму,
- змова з мэтай увозу какаіну,
- змова з мэтай захоўвання кулямётаў і выбуховых прылад,
- захоўванне кулямётаў і выбуховых прылад.
На судзе Мадура выступаў на іспанскай мове. Ён назваў сябе прэзідэнтам Венесуэлы і заявіў, што яго захапілі ў ягоным доме ў Каракасе. Ён не прызнаў сябе вінаватым і запатрабаваў консульскі візіт.
«Я не вінаваты. Я годны чалавек, я па-ранейшаму прэзідэнт сваёй краіны», — цытуе Мадуру Sky News.
Флорэс таксама не прызнала сябе вінаватай і назвала сябе першай лэдзі Венесуэлы.
Пасяджэнне працягвалася каля 30 хвілін. Пасля гэтага Мадуру з жонкай вывелі з залы суда.
Наступнае пасяджэнне па іх справе прызначана на 17 сакавіка.