Памерла маці вядоўцы і спявачкі Кацярыны Ваданосавай

Рэдакцыя Reform.news · 2 студзеня 2026, 08:22

https://reform.news/be/pamerla-maci-vjado-cy-i-spjavachki-kacjaryny-vadanosavaj/

Нэлі Ваданосава, маці тэлевядоўцы і спявачкі Кацярыны Ваданосавай, памерла 1 студзеня. Пра гэта Кацярына Ваданосава паведаміла у Facebook.

“34 гады мая мама чакала сустрэчы з маім татам. Спадзяюся, яны ўжо разам. А я цяпер круглая сірата. Мама памерла”, — напісала яна.

Нагадаем, 23 снежня Нэлі Ваданосавай стала дрэнна ў ваннай, яна ўпала. На хуткай яе адвезлі ў бальніцу, дзе высветлілася, што ў жанчыны інсульт. Ёй правялі аперацыю і дасталі тромб праз сасуд.

Год таму Нэлі Ваданосава перанесла інфаркт, калі ў Беларусі да яе прыйшлі супрацоўнікі КДБ. Пасля гэтага ёй удалося зрабіць літоўскую візу. Жанчына выехала ў Польшчу, дзе жыве Кацярына з сям’ёй, і падалася на міжнародную абарону. Польшча адмовіла ў прадастаўленні міжнароднай абароны з-за наяўнасці літоўскай візы. Суд пастанавіў дэпартаваць яе ў Літву, але гэта рашэнне ўдалося абскардзіць.