Грамадзянін Францыі затрыманы на мяжы з Літвой з-за пісталета

Рэдакцыя Reform.news · 26 снежня 2025, 10:24

https://reform.news/be/gramadzjanin-francyi-zatrymany-na-mjazhy-z-litvoj-z-za-pistaleta/

Грамадзянін Францыі затрыманы на мяжы з Літвой з-за пісталета ў кішэні. Пра гэта паведамілі ў Дзяржаўным мытным камітэце.

Мужчына ехаў рэйсавым аўтобусам з Літвы праз пункт пропуску «Каменны Лог». Ён выбраў зялёны калідор.

«Першапачаткова на наяўнасць у француза металічных прадметаў указалі тэхнічныя сродкі кантролю, якія прымяняюцца падчас агляду. Пры правядзенні далейшых мытных аперацый быў выяўлены пісталет «Walther mod. 9» з пяццю патронамі ў абойме», — гаворыцца ў паведамленні.

Узбуджаная крымінальная справа. Грамадзянін Францыі затрыманы.