Фото: «Белэнерго»
Па стане на 11:00 без электразабеспячэння застаюцца 39 населеных пунктаў Беларусі. Найбольшая колькасць пашкоджанняў зафіксаваная ў Мінскай вобласці, паведамляе «Белэнерга».
Над аднаўленнем электразабеспячэння працуюць 52 брыгады і задзейнічана 69 адзінак тэхнікі. У рабоце выкарыстоўваюцца 4 перасоўныя дызель-генератарныя ўстаноўкі.
Спецыялісты працуюць над аднаўленнем участкаў паветраных ліній электраперадачы напружаннем 110 кВ, 35 кВ і 10 кВ. Выконваецца больш за 30 заявак спажыўцоў па сетцы 0,4 кВ.