Фото: ГТК
З пачатку тыдня да поўначы нядзелі праз памежныя пункты Мядзінінкай і Шальчынінкай у Літву вярнуліся ў агульнай складанасці 272 затрыманыя ў Беларусі грузавікі. Пра гэта паведаміў прадстаўнік службы аховы дзяржаўнай мяжы Літвы Гедрус Мішуціс, піша LRT са спасылкай на BNS.
Паводле яго слоў, праз пункт Мядзінінкай вярнуліся 163 грузавікі, праз Шальчынінкай — 109. Большасць вадзіцеляў грузавікоў, якія вяртаюцца, — грамадзяне Беларусі з відам на жыхарства ў Літве, такіх налічваецца 238 чалавек, грамадзян Літвы — 27.
«Нямала праехала, былі і ўдакладненні. Лічбы ўдакладняюцца пастаянна», – сказаў Мішуціс.
Ён адзначыў, што прапускная здольнасць на памежных пунктах вырасла за кошт павелічэння колькасці мытнікаў, аднак разам з нарастаючым патокам транспарту расце і час чакання. Паводле ранішніх даных, на пункце Мядзінінкай грузавікам даводзіцца чакаць каля васьмі гадзін — тады як раней чаканне складала дзве-тры гадзіны. На пункце Шальчынінкай час чакання складае тры гадзіны.
Усяго ж, паводле даных ДМК Беларусі, на спецыяльных стаянках знаходзілася больш за 1,9 тыс. транспартных сродкаў. Яны ўтрымліваліся ў Беларусі з лістапада мінулага года. Тады Лукашэнка загадаў звезці транспартныя сродкі з літоўскай рэгістрацыяй на спецыяльныя пляцоўкі і браць за іх грошы за стаянку. У панядзелак пасля перамоў з ЗША ён вырашыў, што грузавікі могуць пакінуць тэрыторыю Беларусі пасля таго, як іх уласнікі ўнясуць плату за стаянку. Першыя грузавікі, якія прастаялі каля чатырох месяцаў на спецыяльных стаянках у Беларусі, перасеклі мяжу ў аўторак раніцай.