Фото: Россельхознадзор
19 снежня ў Бранскай вобласці Расіі спынілі грузавы аўтамабіль, які ехаў з Беларусі.
Супрацоўнікі Рассельгаснагляду праверылі грузавы адсек і выявілі, што 21 тона бульбы перавозілася з несапраўдным фітасанітарным сертыфікатам. Груз прызначаўся для атрымальніка з Санкт-Пецярбурга.
Пасля праверкі бульбу вярнулі ў Беларусь. Парушальнік прыцягнуты да адміністрацыйнай адказнасці.