15-гадовая дзяўчынка загінула ў ДТЗ у Кобрынскім раёне

Рэдакцыя Reform.news · 10 ліпеня 2026, 10:09

https://reform.news/be/15-gadovaja-dzja-chynka-zaginula-dtz-u-kobrynskim-rajone/

15-гадовая дзяўчынка загінула ў ДТЗ у Кобрынскім раёне, яшчэ тры чалавекі атрымалі траўмы на аўтадарозе Р-127 «Кобрын — мяжа Украіны (Дзівін)». Трагедыя адбылася 9 ліпеня каля 22:50.

22-гадовы кіроўца BMW на 28-м км дарогі не выбраў бяспечную хуткасць руху, не справіўся з кіраваннем аўтамабіля, з’ехаў у левы кювет і перакуліўся. 15-гадовая пасажырка загінула на месцы. Кіроўца, а таксама 15-гадовая і 18-гадовы пасажыры шпіталізаваныя.

Следства мае намер даць здарэнню прававую ацэнку, паведамілі ва УУС Брэсцкага аблвыканкама.