12-гадовая школьніца загінула ў Ельску, прымаючы ванну з тэлефонам

Рэдакцыя Reform.news · 19 лютага 2026, 11:25

https://reform.news/be/12-gadovaja-shkolnica-zaginula-elsku-prymajuchy-vannu-z-tjelefonam/

Следчы камітэт праводзіць праверку па факце гібелі 12-гадовай дзяўчынкі ў Ельску. Няшчасны выпадак адбыўся ўвечары 18 лютага.

Як паведамілі у СК, дзяўчынка прымала ванну з тэлефонам у руках. Калі ён пачаў разраджацца, яна падключыла яго да зараднай прылады.

У кватэры таксама знаходзілася маці дзяўчынкі. У нейкі момант яна зайшла ў ванную і выявіла дачку без прыкмет жыцця. У вадзе знаходзіўся падключаны да электрасеткі тэлефон. Жанчына выцягнула дзіця і выклікала хуткую.

Медыкі паспрабавалі рэанімаваць дзяўчынку, але безвынікова. Яны канстатавалі яе смерць. Паводле папярэдніх даных, дзяўчынка загінула ў выніку ўдару токам. Прызначана судова-медыцынская экспертыза.