Адменены ў Мінску фестываль «Нефільтраванае кіно» пройдзе ў Вільні

Кінапаказ конкурснай праграмы беларускіх фільмаў IX фестывалю «Нефільтраванае кіно» пройдзе ў Вільні 3 мая ў крэатыўнай прасторы Create Cuture Space.

Назва фестывалю «Паміж пошукамі, надзеяй і клаустрафобіяй».

Праграма фестывалю:

• Аднойчы была зямля (рэж. Кірыл Халецкі);
• Мікалай (рэж. Уладзіслаў Санаценка);
• Ціхаходкі: Damage Supressor (рэж. Кацярына Ермаловіч, Марына Бялецкая);
• Смеццевая галава (рэж. Юрый Сямашка);
• Патэнцыял (рэж. Вераніка Кандраценка);
• Клаўстрафобія (рэж. Валеры Карышаў);
• Палон (рэж. Рыта Ціхановіч)

Агульны працяг фільмаў — 87 хвілін.

Фільмы суправаджаюцца англійскімі субцітрамі.

Больш падрабязна пра фільмы праграмы можна пачытаць тут.

Фестываль «Нефільтраванае кіно» з’явіўся як адгалінаванне міжнароднага кінафестывалю кароткаметражнага кіно Сinema Perpetuum Mobile і праводзіўся ў Мінску на розных пляцоўках. Дзявяты незалежны кінафорум, што спецыялізуецца на неканвенцыйным кіно, павінен быў прайсці 24 — 26 сакавіка ў Мінску, аднак Міністэрства культуры адмяніла яго.

Калі: 03.05/19:00

Дзе: Create Culture Space, Вільня, Karmelitų gatvė 5

Уваход на фестываль па данатах.

Падпісвайцеся на культурныя навіны Reform.by у Telegram