Абвешчаны збор заявак на прэмію імя Францішка Аляхновіча
Reform.news · 17 октября 2024, 17:13
https://reform.news/abveshchany-zbor-zajavak-na-prjemiju-imja-francishka-aljahnovicha/Беларускі ПЭН абвяшчае прыём заявак на прэмію імя Францішка Аляхновіча за найлепшы твор, напісаны ў зняволенні або на тэму зняволення. На разгляд прымаюцца творы, апублікаваныя цалкам ці часткова ў перыяд з лістапада 2023-га па верасень 2024 года.
Арганізатары заклікаюць сяброў і прыхільнікаў зняволеных збіраць і захоўваць літаратурныя сведчанні з-за кратаў і запрашаюць зняволеных удзельнічаць у стварэнні літаратуры памяці.
Сёлета падвядзенне вынікаў прэміі імя Францішка Аляхновіча традыцыйна адбудзецца ў Дзень зняволенага пісьменніка, 15 лістапада.
Тэрмін падачы заявак — да 30 кастрычніка 2024 года (23:59 беларускага часу).