«Вольны хор» выпусціў песню «Зорачкі», прысвечаную чацвертай гадавіне падзей 9 жніўня 2020 года і вымушанай эміграцыі

Reform.news · 9 августа 2024, 11:43

https://reform.news/volny-hor-vypusci-pesnju-zorachki-prysvechanuju-chacvertaj-gadavine-padzej-9-zhni-nja-2020-goda-i-vymushanaj-jemigracyi/

«Вольны хор» выпусціў новы кліп, зроблены на песню Сяргея Новіка-Пеюна «Зорачкі», напісаную ў 1929 годзе. Песню прысвяцілі падзеям 9 жніўня 2020 года і эміграцыі.

«Тры гады мы жывем у выгнанні.

Тры гады прагнем вярнуцца дадому.

Тры гады нясем беларускія песні па свеце і распавядаем пра наш край.

Беларусь! Мы прысвячаем табе гэту песню, мы спяваем для цябе. Ты ў нашых думках і сэрцах.

Жыве Беларусь!», — напісаў «Вольны хор» у сацсетках.

Словы і музыка Сяргея Новіка-Пяюна.

Апрацоўка Галіны Казіміроўскай.

Сёння — у чацвёртыя ўгодкі з дня выбараў 2020 года — праходзіць Міжнародны дзень салідарнасці з Беларуссю, у розных гарадах свету беларусы выйдуць на акцыі і зладзяць імпрэзы.

Падпісвайцеся на культурныя навіны Reform.by у Telegram