Прэмія імя Карласа Шэрмана, якая адзначае найлепшыя пераклады на беларускую мову, распачала прыём заявак

Reform.news · 8 августа 2023, 19:13

https://reform.news/prjemija-imja-karlasa-shjermana-jakaja-adznachae-najlepshyja-peraklady-na-belaruskuju-movu-raspachala-pryjom-zajavak/

Літаратурная прэмія імя Карласа Шэрмана аб’явіла аб пачатку збору заявак. Сёлета прэмія адзначыць найлепшыя пераклады, выдадзеныя ў 2021 і 2022 гадах.

Прэмія імя Карласа Шэрмана ўручаецца за найлепшыя пераклады мастацкай кнігі на беларускую мову. Прафесійнае журы вызначыць лаўрэатаў у трох намінацыях: «Пераклад прозы», «Пераклад паэзіі», «Пераклад дзіцячай кнігі». Пераможцаў чакаюць каштоўныя ўзнагароды.

Абмежаванні для перакладчыкаў паводле ўзросту, грамадзянства, месца жыхарства і месца публікацыі твораў адсутнічаюць. Намінуюцца кнігі жывых перакладчыкаў. У конкурсе можа ўдзельнічаць любая колькасць кніг аднаго перакладчыка.

Падрабязней пра ўмовы прэміі можна даведацца тут.

Заяўкі прымаюцца да 20 жніўня (уключна).

Нагадаем, што лаўрэатамі прэміі за 2020-2021 гады сталі: Вольга Гронская, Юля Цімафеева, Алена Пятровіч.

Суарганізатарамі прэміі сёлета выступаюць Bellvory Stiftung (Switzerland), Беларускі ПЭН і Міжнародны саюз беларускіх пісьменнікаў.