Сёння спынілася сэрца Андрэя Каляды – беларускага літаратуразнаўца, тэатразнаўца, педагога

Reform.news · 13 октября 2022, 17:42

https://reform.news/333516-sjonnja-spynilasja-sjerca-andrjeja-kaljady-belaruskaga-litaraturazna-ca-tjeatrazna-ca-pedagoga/

Памёр Андрэй Каляда — вучоны і педагог, знаўца беларускага тэатра і беларускай мовы, які вучыў правільнаму сцэнічнаму маўленню беларускіх акцёраў.

Андрэй Андрэевіч Каляда нарадзіўся 3 чэрвеня 1940 г. у вёсцы Панямонь Наваградскага раёна Гродненскай вобласці. Вядомы беларускі літаратуразнавец, тэатразнавец, педагог. Кандыдат педагагічных навук.

Быў прарэктарам Беларускай акадэміі мастацтваў (1989–2008). У 1993 годзе атрымаў ступень прафесара. Стваральнік народнага літаратурнага тэатра «Жывое слова».

Развітанне адбудзецца 15 кастрычніка а 12.00 гадзіне на Паўночных могілках.