Асацыяцыя амерыканскіх выдаўцоў абвясціла аб прысуджэнні міжнароднай прэміі Freedom to Publish выдавецтву «Янушкевіч».
Генеральная дырэктарка і прэзідэнтка асацыяцыі Марыя Палантэ згадвае няпросты шлях выдавецтва: заснаванне яго ў 2014 годзе, арышт выдаўца ў 2022-м, пасля чаго ён быў змешчаны ў турму на 28 дзён, а пазней у тым жа годзе быў вымушаны эміграваць ў Польшчу, дзе яго выдавецтва працягнула працу для беларускага рынку. У 2023 годзе беларускія ўлады адклікалі ў выдаўца Андрэя Янушкевіча выдавецкую ліцэнзію, што фактычна заблакавала продаж або працу выдавецтва ў Беларусі.
«Тым не менш, — піша Марыя Палантэ, — чытачы на беларускай мове цяпер могуць атрымаць доступ да кніг, выдадзеных Янушкевічам, у электронным выглядзе ў Беларусі або ў любой кропцы свету, або купіўшы асобнікі кніг у Польшчы».
Да дзесяцігоддзе выдавецтва, 6 лютага 2014 года, адкрылася кнігарня «Кнігаўка» пад той жа назвай, што ў Мінску. Аднак мінскі старт закончыўся закрыццём кнігарні і арыштам выдаўца і яго супрацоўніцы Насты Карнацкай. Праца кнігарні паспрыяла павелічэнню продажаў без змяншэння замоў праз інтэрнэт. У кнігарні можна набыць кнігі і іншых выдавецтваў. «Мы бачым па выпадковых людзях, якія прыходзяць да нас з вуліцы, што вельмі вялікая частка эмігрантаў не была далучана да беларускіх кніг і нічога не ведала пра іх па-за межамі школьнай праграмы, — расказаў Янушкевіч reform.news. — Прыемна назіраць за здзіўленымі позіркамі і пазітыўнай рэакцыяй на існаванне беларускай кнігарні ў Варшаве».
Кнігарню ў Варшаве стала магчыма адкрыць з пашырэннем каталогу і ростам заказаў, што прывяло і да стварэння паўнавартаснай каманды.
Значным поспехам Андрэй Янушкевіч лічыць выхад на Amazon — на пляцоўку для заходнееўрапейскіх краін і Амерыкі. Цяпер набыць кнігу праз інтэрнэт стала прасцей.
У планах «Янушкевіч» — выдаваць большую колькасць кніг, бо ў іх ёсць запатрабаванасць, ёсць ідэі і аўтары.
Пакуль выходзяць звычайна па дзве-тры кнігі ў месяц, таму што хуткасць продажаў не такая, якая патрэбна для больш дынамічнага развіцця. Аднак сітуацыя паляпшаецца, і да канца 2024 года выдавецтва паабяцала выпусціць 23 кнігі.
Нядаўна выдавецтва паведаміла пра набыццё правоў на пераклад трох культавых раманаў Рэя Брэдберы: «Марсіянскія хронікі», «Віно з дзьмухаўцоў», «451° па Фарэнгейту».
Першымі з’явяцца «Марсіянскія хронікі», яны выйдуць ужо ў канцы лістапада.
Падпісвайцеся на культурныя навіны Reform.news у Telegram
Если вы нашли ошибку, пожалуйста, выделите фрагмент текста и нажмите Ctrl+Enter.