За падзеямі фестывалю абуджаных Tutaka можна назіраць анлайн

Фестываль абуджаных TUTAKA з 10 па 13 ліпеня праходзіць на паляне Барык ля Гарадка.

Фестываль называюць усебеларускім пікніком. На ім ствараюць адмысловую прастору для камунікацый і прэзентацый разнастайных ініцыятыў: праходзяць майстар-класы і семінары для дзяцей і дарослых, дыскусіі, паказы фільмаў, тэатральныя эксперыменты, спартыўныя мерапрыемствы, ладзяцца музычная і літаратурная праграмы.

За асобнымі фестывальнымі падзеямі можна сачыць на YouTube-канале Фонду Tutaka.

11 ліпеня, пятніца:

• У 12.40 пачалася дыскусія «Традыцыя ў сучасным: пераасэнсаванне спадчыны». Размова ідзе пра жывую спадчыну, рамёствы і працу з фальклорам у ХХІ стагоддзі.
• У 14:20 чакаецца дыскусія «Я з Падляшша, я беларус?» — Як сябе вызначаюць беларусы ў Польшчы». Размова пойдзе пра тое, што значыць быць беларусам у Польшчы сёння? Абмяркуюць мову, культуру, ідэнтычнасць і памяць.
• Дыскусія «Чаму важна гаварыць пра ЛГБТК+ ідэнтычнасць цяпер?» пачнецца ў 18:20.
• Таксама на YouTube-канале партнёра фестывалю Belsat Music адбудзецца прамое ўключэнне з першага фестывальнага канцэрта. Выступаюць Mandzik, ILO&friends, Дай Дарогу! Пачатак а 21:00.

12 ліпеня, субота:

• «Ці можна будаваць Беларусь па-за межамі Беларусі?» Дыскусія пра магчымасці рэпрэзентацыі, культурную дыпламатыю, самакіраванне.
• «Беларусь вачыма свету». У дыскусіі возьмуць удзел прадстаўнікі польскіх уладаў, донары, дыпламаты. Унікальны шанец задаць ім пытанні ды даведацца, што прадстаўнікі еўрапейскага палітычнага працэсу думаюць пра Беларусь.

13 ліпеня, нядзеля:

• «Ціск на родных у Беларусі: калектыўная адказнасць і помста рэжыму». Як дзяржаўныя органы прымушаюць маўчаць тых, хто з’ехаў, праз шантаж іх сям’і.

Інфармацыя пра фэст тут.

Падпісвайцеся на культурныя навіны Reform.news у Telegram