На Варшаўскім кніжным кірмашы — галоўнай кніжнай падзеі Польшчы, якая штогод праходзіць у Палацы культуры і навукі і каля будынка на плошчы Дэфілад (а сёлета — і ў Музеі сучаснага мастацтва), будзе працаваць салон беларускіх незалежных выдаўцоў. Кірмаш будзе адбывацца з 15 па 18 траўня.
Арганізатар беларускага стэнду Інстытут беларускай кнігі падзяліўся праграмай мерапрыемстваў.
На працягу чатырох дзён працы салону адбудзецца старт продажу новых кніг — «Апярэдзіць Госпада Бога» Ганны Краль, «Як завесці дыназаўра» Андрэя Скурко і Волі Кузьміч, «Беспрацоўнае дрэва» Светы Бень і Ліны Хесэ, «Слон» Сашы Філіпенкі, «Там, дзе нас няма» Макса Шчура, «Ваўка» Уладзіміра Сцяпана. Прэзентуюць новы зборнік вершаў «Нетутэйшая далечыня» Ігара Кулікова, пройдуць аўтограф-сесіі аўтараў нядаўна выдадзеных кніг.
Праграма салона беларускіх незалежных выдаўцоў
15.05, чацвер
- 14.00—15.00 Старт продажаў кнігі Ганны Краль «Апярэдзіць Госпада Бога» і аўтограф сесія (выдавецтва «Połackija łabirynty»)
- 17.00—17.40 Аўтограф-сесія адной з аўтарак «Белай кнігі: Дапаможніка па псіхалагічным аднаўленні» Марты Скугаравай (выдавецтва Gutenberg Publisher)
16.05, пятніца
- 12.00—12.40 Старт продажаў кнігі «Як завесці дыназаўра» Андрэя Скурко і Волі Кузьміч (Gutenberg Publisher)
- 15.00—16.00 Прэзентацыя новага зборніка вершаў «Нетутэйшая далечыня» і аўтограф-сесія Ігара Кулікова (выдавецтва Andrei Yanushkevich Publishing)
- 16.00—16.40 Аўтограф-сесія Валянціна Вяркеева, аўтара кнігі «Вера, дачка флібусцьера» (Gutenberg Publisher)
- 17.00—17.40 Старт продажаў кнігі «Беспрацоўнае дрэва» Светы Бень і Ліны Хесэ (выдавецтва «Мяне Няма»)
17.05, субота
- 11.00—11.40 Старт продажаў кнігі «Слон» Сашы Філіпенкі (Gutenberg Publisher)
- 12.00—12.30 Аўтограф-сесія Аляксандра Ждановіча (Маляваныча), аўтара кнігі «Казкі гарадского парку» (Gutenberg Publisher)
- 12.30—13.00 Аўтограф-сесія мастачак Марыі Платонавай («Заяц і мядзведзь», «Казкі гарадскога парку») і Дарыны Харытончык («Сябры ў двары»), (Gutenberg Publisher)
- 13.00—14.00 Аўтограф-сесія Аляксандра Чарнухі, аўтара кнігі «Гвалт» (Andrei Yanushkevich Publishing)
- 14.00—14.40 Старт продажаў кнігі Макса Шчура «Там, дзе нас няма» (выдавецкая ініцыятыва SayBeat)
- 14.40—15.20 Старт продажаў кнігі «Ваўка» Уладзіміра Сцяпана (“Мяне Няма”)
- 15.20—16.20 Аўтограф-сесія Макара, аўтара кнігі «Апошняе пакаленне» (Andrei Yanushkevich Publishing)
- 16.20—17.00 Аўтограф-сесія Паўла Анціпава, аўтара кнігі «Куда-нибудь приезжать что-нибудь делать и уезжать» («Мяне Няма»)
18.05, нядзеля
- 14.00—14.40 Аўтограф-сесія Аляксандра Белага, аўтара кнігі «Самы Цымус»
Інстытут беларускай кнігі папярэджвае, што ў праграме магчымыя змены і ўдакладненні. Сачыць за праграмай можна тут ці тут.
Падпісвайцеся на культурныя навіны Reform.news у Telegram