11 ліпеня ў Зэльве каля 300 удзельнікаў гістарычнай рэканструкцыі прыехалі на фестываль «Легендарныя эпохі». Імпрэза прайшла ў шосты раз на пляцоўцы каля старога млына.
Адкрыў свята, па традыцыі, парад эпох. На рысталішчы прайшла прэзентацыі розных гістарычных перыядаў. Сярэднявечча прэзентавалі рыцарскія конныя і пешыя турніры, а таксама спаборніцтвы лучнікаў.
Раннюю Новую эпоху прадставілі выступленні конных гусараў і «шатландскай пяхоты». Паказалі і рэканструкцыю падзей Першай і Другой сусветных войнаў.
Пакуль на галоўнай арэне змянялі адна адну эпохі, па-за межамі адбываліся не менш цікавыя падзеі. Кожны клуб разбіў свой паходны лагер, дзе з максімальнай дакладнасцю аднаўляўся побыт мінулых стагоддзяў.
Таксама працавалі выстава ўзбраення і ваеннай тэхнікі, гандлёвыя рады і рамесны кірмаш. Завяршылася свята канцэртнай праграмай і дыскатэкай.
На фестывальнай пляцоўцы прэзентавалі выстава ваеннай тэхнікі пад адкрытым небам.
Завяршыўся фестываль канцэртнай праграмай з удзелам беларускіх артыстаў.
Нагадаем, што ў Беларусі гэтым летам адмянілі некаль папулярных фэстаў — WOSTRAU ў Нясвіжы, «Сонцастаянне» ў Пружанах і найстарэйшы беларускі фестываль гістарычнай рэканструкцыі «Наш Грунвальд».
Падпісвайцеся на культурныя навіны Reform.news у Telegram
