У Вільні пройдзе фестываль этнакультуры з удзелам беларускіх і літоўскіх артыстаў

Сяржук Доўгушаў і гурт Kasary, літоўскія і беларускія танцы ад клуба «Ойра», балканскі музычны гурт з Вільнюса Rakija Klezmer Band, стрыт-арт ад Doctor Oy… 15 чэрвеня ў вільнюскім CVI Parkas адбудзецца летні этнафестываль «etnoARTvė festivalis», на якім будуць прадстаўлены культуры чатырох народаў.

Беларускія танцы, украінскія песні, літоўскія і габрэйскія мелодыі — так анансуе падзею арганізатар фэсту CreateCulture Group.

— Мы падумалі, што рабіць мерапрыемствы можна не толькі ў сценах нашай прасторы, і вырашылі зладзіць у партнёрстве з CVI Parkas невялікі Летні фестываль, дзе можна і патанчыць, і паслухаць музыку як беларускую, так і літоўскую, ды нават габрэйскую. Адмыслова з Варшавы на фэст едзе гурт «Касары», а хэдлайнер — мясцовы літоўскі гурт Rakija Klezmer Band, — падзялілася з Reform.news ідэяй культурніцкай падзеі менеджарка інстытуцыі Надзея Ількевіч.

Расклад фестывалю выглядае так:

17.00 — 18.00

• DJ-сет Soft Corps
• стварэнне арт-аб’екта з Doctor Oy
• дзіцячыя майстар-класы

18.00 — традыцыйныя літоўскія і беларускія танцы ад клуба «Ойра»

19.00 — спевы разам з Сержуком Доўгушавым

20.00 — выступленне мужчынскага традыцыйнага гурта Kasary

21.00 — дынамічная музыка ад Rakija Klezmer Band

Месца сустрэчы: Petro Cvirkos Aikš. Уваход — вольны.

Сачыць за навінамі «etnoARTvė festivalis» можна тут.

Падпісвайцеся на культурныя навіны Reform.news у Telegram