З 10 па 12 кастрычніка Вільня прымае фестываль інтэлектуальнай кнігі Pradmova.
Сёння запланавана шмат цікавых мерапрыемстваў. Дыскусія «Як творчасць дапамагае перажываць палітычнае зняволенне?» пройдзе ў віленскім клубе «Павільёнас». Пра «Ле(ё)с літаратурных падкастаў: беларускі выпадак на фоне сусветных трэндаў» паразважаюць Наста Карнацкая і Кацярына Трубовіч. Пра постфікшн пагавораць Максім Жбанкоў і Павел Анціпаў.
Беларускага чытача «ў літоўскім люстэрку» разгледзяць Гедрэ Казлаўскайце і Віргінія Кульвінскайце. Таксама пройдуць прэзентацыі кніг і сустрэчы з чытачамі. А напрыканцы дня пакажуць спектакль «Сумны суп» паводле твораў Вольгі Гапеевай ад тэатра «Прыехалі».
Партнёры віленскай праграмы фестывалю: Міжнародны саюз беларускіх пісьменнікаў і сайт bellit.info, Беларускі музей імя Івана Луцкевіча, клуб «Paviljonas».
VII Міжнародны фестываль Pradmova сёлета аб’яднае Вільню, Прагу, Познань і Варшаву праз літаратурны, мастацкі і дыскусійны дыялог. Сёлетні лозунг фестывалю — «Птушкі без гнёздаў» — адсылае да асобы Ларысы Геніюш, якая стала сімвалам нязломнасці і вернасці сваім ідэалам.
Тут падрабязны расклад імпрэзаў фестывалю.
Падпісвайцеся на культурныя навіны Reform.news у Telegram