22 лютага Музей Вольнай Беларусі запрашае на спектакль «Мая маці ў турме» па кнізе Вольгі Вялічка. У аснову спектакля пакладзены ўспаміны дзяцей беларускіх і савецкіх палітвязняў.
Два гады таму псіхолаг Вольга Вялічка, якая працуе з дзецьмі палітзняволеных, пачала збіраць матэрыялы пра тое, як дзеці перажылі гэты складаны час – спачатку вобыскі дома, потым затрыманне бацькоў, прычым часам абодвух, іх зняволенне. Дзеці распавядалі, якія ім сняцца сны і якія яны прыдумляюць казкі, каб перажыць траўму, а яшчэ – пра што мараць. Іх вопыт параўноўваецца з гісторыямі жанчын і дзяцей, рэпрэсаваных у савецкі час у жаночым лагеры АЛЖЫР (Акмалінскі лагер жонак здраднікаў радзімы, які існаваў да 1953 года ў Казахстане). Так з’явілася кніга «Ад двух да пятнаццаці. Мая мама ў турме».
Былыя акцёры Гродзенскага драматычнага тэатра, якія пасля пратэстаў у 2020-м былі вымушаны пакінуць Беларусь, разам з калегамі са Старога Віленскага тэатра зрабілі паводле кнігі спектакль. У ім занятыя дзеці, якія займаюцца ў тэатральнай школе «Разам» і таксама не могуць вярнуцца на радзіму. Рэжысёрка спектакля Наталля Лявонава.
Уваход па рэгістрацыі.
Данат ад 30 злотых.
Дата: 22 лютага.
Час: 19:00.
Месца: Музей Вольнай Беларусі. Вул. Foksal 11, Варшава.
Падпісвайцеся на культурныя навіны Reform.news у Telegram