«Нейкі культурны і адукацыйны нонсенс»: у Салігорску ў школе знішчылі вітраж з выявай Францыска Скарыны

Reform.news · 4 апреля 2024, 20:40

https://reform.news/u-saligorsku-shkole-znishchyli-vitrazh-z-vyjavaj-francyska-skaryny/

У Салігорскай школе №3 вітраж з выявай Францыска Скарыны замянілі на шклопакет. Reform.by удалося звязацца з эксперткай па савецкай манументальнай спадчыне, якая пракаментавала сітуацыю на ананімных пачатках.

«Адміністрацыя школы не стала захоўваць вітражы, бо з іх слоў сапсаваліся апорныя канструкцыі, — распавяла адмыслоўца, якая аказалася ў курсе абставін. — Згодная, што з часам паячныя вітражы «развальваюцца» — шкло выпадае з апорнай канструкцыі. Але ўсё гэта можна наноў сабраць і адрэстаўраваць. Мяркую, што ў дадзеным выпадку адміністрацыя школьнай установы вырашыла пайсці простым шляхам і замяніць вітражы на шклопакеты… Не выключаю, што па плане быў рамонт. Часта кажуць адно, але насамрэч сітуцыя іншая…».

Са слоў экперткі, вітражы ў салігорскай школе падобныя на зробленыя ў Салігорскай абласной бібліятэцы. Аўтар апошніх — мастак Віктар Калацей.

«У любым выпадку прыбіраць вітраж з Францыскам Скарынай — гэта нейкі культурны і адукацыйны нонсенс», — падсумоўвае адмыслоўца.

Падпісвайцеся на культурныя навіны Reform.by у Telegram