У гадавіну разгрому маскоўскага войска ў Кіева-Пячорскай Лаўры адкрылі мемарыяльную дошку князю Астрожскаму

Reform.news · 8 сентября 2023, 16:53

https://reform.news/u-gadavinu-razgromu-masko-skaga-vojska-kieva-pjachorskaj-la-ry-adkryli-memaryjalnuju-doshku-knjazju-astrozhskamu/

У Кіева-Пячорскай Лаўры ўрачыста адкрылі мемарыяльную дошку князю Астрожскаму, піша «Беларускае Радыё Рацыя». Падзея прымеркавана да 509-й гадавіны бітвы пад Оршай (1514), калі аб’яднанае ўкраінска-літоўска-польска-беларускае войска пад кіраўніцтвам князя Астрожскага разграміла шматтысячную армію маскавітаў цара Васіля ІІІ.

На мерапрыемстве прысутнічалі прадстаўнікі пасольстваў Украіны, Польшчы і Літвы, вайскоўцы 30-й Асобнай механізаванай брыгады імя князя Астрожскага і Полк Кастуся Каліноўскага.

Пасля набажэнства і адкрыцця памятнай дошкі князю Канстанціну Астрожскаму адбылося ўзагароджанне байцоў Палка Каліноўскага ўзнагародамі Рады БНР.

Падпісвайцеся на культурныя навіны Reform.by у Telegram