У Брэсцкай крэпасці адкрылі новую мемарыяльную зону і правялі мітынг-рэквіем
Reform.news · 22 июня 2026, 14:00
https://reform.news/u-brjeskaj-krjepasci-adkryli-novuju-memaryjalnuju-zonu-i-pravjali-mityng-rjekviem/На мітынге-рэквіеме, які адбыўся ўначы 22 чэрвеня ў мемарыяльным комплексе «Брэсцкая крэпасць-герой», прысутнічалі тысячы чалавек, паведамляе Белта. Мерапрыемства прысвечана Дню ўсенароднай памяці ахвяр Вялікай Айчыннай вайны і генацыду беларускага народа.
Аляксандр Лукашэнка акцыю не наведаў.
Напярэдадні падзеі ў Брэсцкай крэпасці была адкрытая новая мемарыяльная зона «Скорбь», якая паўстала ў выніку трохгадовай праграмы Саюзнай дзяржавы па рэмонтна-рэстаўрацыйным працам у мемарыяле.
«Вобразам для скульптурнай кампазіцыі жанчыны ў жалобе стала фатаграфія ўдавы аднаго з абаронцаў легендарнай цытадэлі над Бугам, Алена Кузняцова разам з двума дзецьмі змагла выбрацца з палаючых руін крэпасці», — паведамляе газета «Культура».
Па абодва бакі ад скульптуры — сцяна памяці з імёнамі абаронцаў Брэсцкай крэпасці, якія загінулі ў фашысцкім палоне.
Нагадаем, што нядаўна міністр культуры Беларусі Марат Маркаў паведаміў пра падпісанне сумеснага мемарандуму Расіі і Беларусі аб падачы супольнай заяўкі на мэмарыяльныя комплексы — Мамаеў курган і Брэсцкая крэпасць — у Спіс сусветнай спадчыны UNESCO.
Падпісвайцеся на культурныя навіны Reform.news у Telegram