У Бабруйскім мастацкім музеі працуе выстава керамічных твораў, выкананых падчас мастацкага пленэра «Арт-Жыжаль».
Міжнародны пленэр мастакоў-керамістаў прайшоў на беразе ракі Бярэзіна на базе адпачынку «Вербкі» ужо ў 19-ты раз. Сёлета ўдзельнікі прыехалі з Беларусі, Егіпта, Малдовы, Казахстана і Расіі. Заснавальнік і кіраўнік «Арт-Жыжаля» — бабруйчанін Валерый Калтыгін.
Майстры «Арт-Жыжаля» прынцыпова не карысталіся электрычнымі печамі, творы абпальваліся на «жывым» агні ў адмысловай печы. Кульмінацыяй пленэра стаў вячэрні абпал «вогненнай скульптуры», калі полымя ажывіла двухметровую «Бабруйскую дзеўчыну» — працу Валерыя Калтыгіна, якая сімвалізуе дух Бабруйска.
Цяпер творы дасяжныя да прагляду у Бабруйскім мастацкім музеі, што знаходзіцца на вуліцы Горкага, 28.
Выстава «Мастацтва жывога агню» будзе працаваць да канца верасня.
Падпісвайцеся на культурныя навіны Reform.news у Telegram