Сёння ў Варшаве адбудзецца сустрэча, на якой абмяркуюць кнігу «Cela #18» пра 36 жанчын, замкнёных у камеры на Акрэсціна

«Cela #18» (Камера #18) выдадзеная ByProsvet у межах праекта «Август2020». Кніга прысвечаная 36 жанчынам, якія апынуліся замкнёнымі ў адзінаццацімятровай камеры #18 на Акрэсціна ў жніўні 2020 года, і апавядае пра тое, што ім давялося перажыць у нялюдскіх умовах. Пасля вызвалення былі запісаныя гісторыі 11 з іх.

Сустрэчу будзе мадэляваць Рыгельс Халілі — культурны антраполаг, філолаг, гісторык, кіраўнік балканскай спецыялізацыі Studium Europy Wschodniej (SEW) і Koła Naukowego SEW. Удзел прымуць Войцэх Творак з Варшаўскага ўніверсітэта, Катажына Тачыньска з Інстытута славістыкі Польскай акадэміі навук, Аліна Коўшык — прадстаўніца Аб’яднанага пераходнага кабінета Беларусі па нацыянальным адраджэнні.

Мова сустрэчы — польская з паралельным перакладам на беларускую.

Суарганізатары імпрэзы: Studium Europy Wschodniej UW і Koło Naukowe SEW UW.

Набыць кнігу можна па спасылцы. Выданне даступнае ў тым ліку на ангельскай і рускай мовах.

Дата: 20 лістапада 2023

Час: 18:00

Месца: Witryna Domu Wschodniego, pl. Konstytucji, 6, Warszawa, уваход з боку ul. Koszykowej.

Падпісвайцеся на культурныя навіны Reform.by у Telegram