З 24 па 26 кастрычніка ў чэшскай сталіцы пройдзе міжнародны Фестываль інтэлектуальнай кнігі Pradmova — галоўная пляцоўка, дзе беларуская культура жыве і развіваецца па-за межамі краіны.
Кніжны фестываль Pradmova ладзіцца там, дзе жыве вялікая беларуская дыяспара. Таму фэст стала адбываецца ў Варшаве і Вільні. А яшчэ две лакацыі выбіраюцца – адна аргкамітэтам, а другая – галасаваннем.
Сёння фэст пачнецца з прэзентацыі рамана Крысціны Сабаляўскайце «Silva rerum» у перакладзе Сяргея Шупы, дзвюх дыскусій: «Беларусь і Чэхія ва ўзаемных уяўленнях» і паводле кнігі Сяргея Навумчыка «Дзевяноста пяты».
Праграма завершыцца канцэртам гурта BosaeSonca.
У наступныя два дні пройдуць прэзентацыі кніг і выдавецтваў, гутарткі, лекцыя Ганны Янкуты «Беларуская жаночая літаратура ад пачатку ХХ ст. да 2010-х гг.», дыскусія пра адказнасць культуры ў перажыванні крызісу і круглы стол «Алесь Пушкін: досвед захавання спадчыны».
З усёй пражскай праграмай можна пазнаёміцца на сайце фэсту.
Сёлета фестываль ужо наведаў Вільні, з 7 па 9 лістапада ён працягнецца ў Познані, а 21-24 лістапада пройдзе ў Варшаве.
Падпісвайцеся на культурныя навіны Reform.news у Telegram