Штогадовая выстава-продаж «Восеньскі салон» праходзіць у Мінску з 2015 года. Праект распачынаўся з ініцыятывы Віктара Бабарыкі з мэтай стымулявання беларускага арт-рынку і падтрымкі маладых мастакоў.
Салон — адзін з двух мастацкіх праектаў Белгазпрамбанка, якія адбываюцца штогод.
Другі з іх «Арт-Мінск», яго ладзяць напрыканцы вясны — у пачатку лета, пачынаючы з 2018-га.
![Сёння ў Мінску адкрываецца «Восеньскі салон»](https://reform.news/wp-content/uploads/2023/09/salon3.jpg)
«Восеньскі салон» — выстава-продаж маладых мастакоў. Работы можа прынесці любы творца адпаведнага ўзросту, аднак для ўдзелу трэба прайсці адбор прафесійнага журы.
![Сёння ў Мінску адкрываецца «Восеньскі салон»](https://reform.news/wp-content/uploads/2023/09/salon4.jpg)
Сёлета на выставу трапілі творы 220 маладых беларускіх мастакоў (жывапіс, графіка, фатаграфія, скульптура, дэкаратыўна-прыкладное мастацтва і інсталяцыя).
![Сёння ў Мінску адкрываецца «Восеньскі салон»](https://reform.news/wp-content/uploads/2023/09/salon5.jpg)
Творы будуць даступныя да прагляду ў Палацы мастацтва на Казлова, 3, а таксама на анлайн-платформе @artcenter.by, дзе наведвальнікі змогуць атрымаць дадатковую інфармацыю аб кожнай працы, скануючы QR-код на этыкетцы.
![Сёння ў Мінску адкрываецца «Восеньскі салон»](https://reform.news/wp-content/uploads/2023/09/salon2.jpg)
Больш за 90% твораў, прадстаўленых на выставе, даступныя для пакупкі на платформе Artcenter.by. кожны наведвальнік можа не толькі падтрымаць мастакоў, набываючы іх працы, але і прыняць удзел у галасаванні. Па завяршэнні Салона аўтары, якія набралі найбольшую колькасць галасоў, будуць узнагароджаны прызамі ад партнёраў праекта.
Адкрыццё выставы адбудзецца 7 верасня ў 18.00 у Палацы мастацтва на Казлова, 3, гэты дзень будзе бясплатным для наведвальнікаў.
Выстава будзе працаваць да 8 кастрычніка.
Падпісвайцеся на культурныя навіны Reform.by у Telegram
Если вы нашли ошибку, пожалуйста, выделите фрагмент текста и нажмите Ctrl+Enter.
Сообщить об опечатке
Текст, который будет отправлен нашим редакторам: