Развітанне з народным артыстам Беларусі Яраславам Еўдакімавым пройдзе ў Мінску. Пра гэта паведаміла ТАСС удава спевака Ірына Крапіўніцкая.
«Развітанне будзе ў Мінску», — пацвердзіла яна.
Крыху раней сталі вядомыя падрабязнасці смерці беларускага спевака. Прычынай смерці артыста мог стаць рак, на які Еўдакімаў хварэў апошнія паўтары гады. Спявак пайшоў з жыцця менавіта ў Мінску, дзе лячыўся ад анкалогіі. Гэтымі звесткамі падзялілася з медыя дырэктарка артыста Наталля Тарабан.
Яраслава Еўдакімава не стала 22 жніўня. Выканаўца вядомых песень «Поле памяці», «Міласэрнасць», «Майскі вальс», «Фантазёр», «Між двух агнёў», «Зачараваная мая» сышоў ва ўзросце 78 гадоў. Пра гэта паведамілі яго блізкія і паэт і пісьменнік Уладзімір Някляеў, з якім спявак беларускай і савецкай эстрады супрацоўнічаў шмат гадоў.
Падпісвайцеся на культурныя навіны Reform.news у Telegram