«Калегі, ці не версія суцінскай «Евы» вісіць на сценцы ў доме Джэка Нікалсана?» — напісаў адзін з карыстальнікаў фэйсбука, перапосціўшы новае фота актора з дачкой.
Дачка 87-гадовага актора Ларэйн апублікавала фотаздымак з сямейных святкаванняў. На здымку Ларэйн абдымае трохразовага ўладальніка прэміі «Оскар» Джэка Нікалсана ў памяшканні, падобным да бібліятэкі ці офіса. На бакавой сцяне можна ўбачыць карціну Хаіма Суціна «Жанчына са скрыжаванымі рукамі», якая паводле кампазіцыі, каларыту, экспрэсіі, настрою і часу стварэння (каля 1929 года) вельмі падобная да карціны «Ева», набытай Віктарам Бабарыкам у 2013 годзе на аўкцыёне Sotheby’s у Нью-Ёрку для калекцыі Белгазпрамбанка. Пасля свайго «арышту» ў 2020-м «Ева» стала сімвалам пратэстаў. Пастава жанчыны на абедзвюх карцінах увасабляе годнасць і ўнутраную сілу. У тым ліку таму суцінская «Ева» арганічна ўпісалася ў візуальны кантэнт пратэсту.
Дарэчы, Джэк Нікалсан зарэкамендаваў сябе як выдатны калекцыянер твораў мастацтва, распачаўшы гэту дзейнасць яшчэ ў 1960-я гады. Ён збіраў творы ХХ стагоддзя і сучасных аўтараў. У яго ёсць працы Пікаса, Маціса, Радэна, Мадыльяні, Магрыта і Уорхала. Калекцыя Нікалсана ацэньваецца ў 150 мільёнаў даляраў.
Падпісвайцеся на культурныя навіны Reform.news у Telegram
Если вы нашли ошибку, пожалуйста, выделите фрагмент текста и нажмите Ctrl+Enter.