Ганна Трубачова — былая беларуская журналістка, якая ўжо дзесяць гадоў жыве ў ЗША. Яна прыехала на здымкі фільма «Д’ябал носіць Prada — 2», каб паўдзельнічаць у масоўцы, колькасцю каля паўтары тысячы чалавек, але яе заўважылі — дзякуючы незвычайнаму вобразу.
Трубачова апранула касцюм з аксамітам, скурай і пер’ем. Таму ёй выдалі сукенку, якая больш нікому не пасавала, і ў выніку запісалі як прафсаюзную акторку на ролю «вядомая актрыса №61», хаця яна і не ўваходзіць у прафсаюз актораў кінамасоўкі.
«Але вось я ўваходжу на прымерку, мне выдаюць тую самую дызайнерскую сукенку, якая, клянуся Богам, сапраўды ні на каго больш не села б, не толькі таму што трэба быць вельмі высокай і тонкай, але таксама харызматычнай — не ўсякі яшчэ выцягне, як тут кажуць: чорнае да падлогі з даўжэзным «хвастом», каўнер — воранава пяро, а між кавалачкаў, з якіх пашыта сукенка, праглядае мая белая скура. Прыбраная, выходжу і тут жа пачынаю глядзець пагардліва, а ўсіх нязгодных са мной пераварочваць у жаб. «Як быццам нарадзілася ў гэтай сукенцы», — паведамляю касцюмерам», — апісвае гэты выпадак Трубачова.
У выніку яна атрымала грашовую ўзнагароду і новыя магчымасці для ўласнай кар’еры. У прыватнасці, акторка расказвае, што ёй цяпер шлюць «здымкі экранаў кінатэатраў», на якіх з’яўляюцца кадры з ёй.
Падпісвайцеся на культурныя навіны Reform.news у Telegram
