Фота: тг "Спадчына".
Магілу настаўніка Янкі Купалы Мікалая Турчановіча выпадкова адшукалі на праваслаўных могілках у Аколіцы Мінскага раёна. Могілкі знаходзяцца ля касцёла Святога Мацвея, паведамляе тэлеграм-канал «Спадчына».
Мікалай Фёдаравіч Турчановіч быў настаўнікам маладога Івана Луцэвіча ў Бяларуцкім народным вучылішчы, якое будучы паэт скончыў у 1898 годзе. Мікалай Фёдаравіч Турчановіч ведаў замежныя мовы і меў багатую на той час бібліятэку, якой дазваляў карыстацца Івану.
Помнік на магіле Турчановіча выглядае дагледжаным, але абеліск ляжыць, а не стаіць на пастаменце, як мусіў бы быць.
«Здесь покоится народный учитель Николай Фёдорович Турчанович. Умер 8 апреля 1911 г. на 62 году жизни. Память жены и детей», — такі надпіс выбіты на каменным абеліску.
«Спадчына» дадае, што таксама Мікалай Турчановіч з’яўляецца дзедам па лініі маці вядомага літаратуразнаўцы Уладзіміра Міхайлавіча Юрэвіча.
Падпісвайцеся на культурныя навіны Reform.news у Telegram