Музеі Украіны і Луўр запусцяць сумесныя праекты

Жонка Прэзідэнта Украіны Алена Зяленская сумесна з міністрам культуры і інфармацыйнай палітыкі Аляксандрам Ткачэнкам правялі сустрэчу з прэзідэнтам Луўра Лоранс дэ Кар і дамовіліся аб супрацоўніцтве.

Пра гэта Ткачэнка напісаў у Telegram, перадае Укрінформ.

Ён адзначыў, што цяпер у Луўры няма аўдыягіда на рускай мове. «Аднак – будзе на ўкраінскай. Мова мастацтва і культуры – універсальныя. Мова ўкраінская – павінна быць сярод агульнадаступных моў цывілізаванага свету», – расказаў Аляксандр Ткачэнка.

Ён таксама паведаміў, што паміж Луўрам, МКІП і Пасольствам Украіны ў Францыі быў падпісаны мемарандум, які ўключае пункт аб пашырэнні супрацоўніцтва і шматузроўневых партнёрскіх праектах Луўра з музеямі Украіны з праграмамі навуковага аналізу, арганізацыяй часовай выставы ў Луўры і публікацыяй навуковага даследавання, прысвечанага ўкраінскаму мастацтву.

Падпісвайцеся на культурныя навіны Reform.by у Telegram