Міжнародны Кангрэс даследчыкаў Беларусі прымае заяўкі на дзве ініцыятывы для навукоўцаў

Міжнародны Кангрэс даследчыкаў Беларусі прымае заяўкі на гранты для навукоўцаў, а таксама збірае прапановы на прэмію за лепшыя навуковыя публікацыі

Гранты на падрыхтоўку да публікацыі (разам з праектам Scholars for Belarus)

Фінансаванне для навукоўцаў, якія рыхтуюць да выдання манаграфію ці артыкул. Асабліва вітаюцца заяўкі маладых даследчыкаў/-ц і тых, хто рыхтуе першую кнігу або працу па дысертацыі.

Падыходзяць:

• Манаграфіі і навуковыя артыкулы
• Тэксты, якія яшчэ не былі апублікаваныя (цалкам або часткова)
• Працоўныя мовы: беларуская, англійская, руская
• Таксама разглядаюцца працы з некалькімі аўтар(к)амі.

Грант можа быць выкарыстаны на:

• Рэдагаванне, пераклад, вёрстку
• Аплату збору за публікацыю
• Выкуп правоў на адкрыты доступ
• Дапрацоўку тэксту перад друкам.

Прэмія за найлепшыя навуковыя публікацыі, якія выйшлі ў 2023 або 2024

Прапанаваць можна як сваю, так і чужую працу па трох напрамках:

• Гісторыя
• Гуманітарныя навукі
• Сацыяльна-палітычныя навукі.

Вынікі будуць абвешчаны 26 верасня 2025 падчас XII Кангрэса даследчыкаў Беларусі ў Берліне.

Дэдлайн: 1 чэрвеня.

Падрабязнасці тут.

Падпісвайцеся на культурныя навіны Reform.news у Telegram