Міжнародны Кангрэс даследчыкаў Беларусі пройдзе ў верасні ў Берліне

Reform.news · 16 марта 2025, 18:34

https://reform.news/mizhnarodny-kangrjes-dasledchyka-belarusi-projdze-verasni-berline/

Наступны Кангрэс даследчыкаў Беларусі адбудзецца ў Берліне 25-27 верасня 2025 года, асноўным акадэмічным партнёрам выступіць Універсітэт Гумбальта, — паведамляе адзін з арганізатараў кангрэсу Аляксей Ластоўскі.

Хутка з’явіцца call for panels.

У 2024 годзе арганізатары вырашылі ўзяць паўзу для аналізу досведу і пераасэнсавання ролі і місіі Кангрэсу на сучасным этапе развіцця беларускай навукі, аднак Прэмія Кангрэса за лепшыя навуковыя публікацыі ўсё ж была праведзена.

Міжнародны Кангрэс даследчыкаў Беларусі (International Congress of Belarusian Studies) — штогадовы акадэмічны і экспертны форум даследчыкаў Беларусі і рэгіёна Цэнтральнай і Усходняй Еўропы. Ён быў заснаваны прадстаўнікамі беларускай і літоўскай грамадскасці ў 2010 годзе з мэтай інтэграцыі даследчыкаў і экспертаў у палітычнай, сацыяльнай і гуманітарнай сферах, спрыяння больш глыбокаму разуменню Беларусі ў акадэмічных і грамадскіх асяродках краін рэгіёна і свету. Кангрэс з’яўляецца самай прадстаўнічай штогадовай акадэмічнай і экспертнай падзеяй Беларусі, у працы якой прымаюць удзел усе асноўныя інтэлектуальныя цэнтры даследавання грамадства, палітыкі і культуры Беларусі.

Падпісвайцеся на культурныя навіны Reform.news у Telegram