Кніга філосафкі Таццяны Шчытцовай выходзіць на англійскай мове ў выдавецтве Калумбійскага ўніверсітэта.
«Салідарнасьць узрушаных. Эсэ аб Беларускай рэвалюцыі» была выдадзена філосафкай, прафесаркай ЕГУ ў 2024 годзе ў выдавецтве «Логвінаў».
Аўтарка разглядае падзеі 2020 года як рэвалюцыю не толькі ў паліталагічным, але і ў філасофскім сэнсе, бо яе здабыткам сталася не змена ўлады, а з‘яўленне новага калектыўнага палітычнага суб’екта, структурныя асаблівасці, прынцыпы і дзейнасць якога раскрылі новую перспектыву для будучыні краіны.
У анатацыі да выдання адзначалася, што кніга пісалася найперш для тых, каму яна ўласна і прысвечаная – «вялікай колькасці беларусаў і беларусак, якія сваімі дзеяннямі і эмоцыямі, крэатыўнасцю і сумленнасцю, салідарнасцю і адвагай зрабілі 2020 год гістарычнай вехай у жыцці нашай краіны».
У англійскім перакладзе пазначана, што «гэта даследаванне з’яўляецца важным чытаннем для ўсіх, хто зачараваны дынамікай палітычнага абуджэння, сілай дэмакратычнай салідарнасці і ўстойлівасцю да аўтарытарнага кантролю».
На сайце выдавецтва пазначаны тэрмін выхаду перакладу — жнівень 2025 года.
Падпісвайцеся на культурныя навіны Reform.news у Telegram