«Кніжны воз» запісаў найноўшую аўдыяверсію рамана «Каласоў пад сярпом тваім» Уладзіміра Караткевіча. Мінімум цэнзуры, максімум класікі, паведамляе каманда ў сацсетках.
Каманда працавала над кнігай больш за год, прыклаўшы ўсе магчымыя намаганні, каб выдаць сапраўды найноўшую нецэнзураваную аўдыяверсію легендарнага раману Уладзіміра Караткевіча «Каласы пад сярпом тваім».
Аўтаркай ідэі стварэння аўдыякнігі і ўкладальніцай праекта стала Алеся Сёмуха, хросная дачка Уладзіміра Караткевіча.
Рэдактарам запісу, акрамя сталых чальцоў каманды «Кніжнага возу», стаў Сяргей Шупа, разам з якім удалося стварыць максімальна дакладны запіс.
Музыку напісала Вольга Падгайская.
Апрацоўкай гуку займаўся Аляксандр Зелянеўскі.
Агучылі Аляксандр Леановіч і Галя Костка.
Першыя два раздзелы можна бясплатна слухаць у аплікацыі «Кніжны воз». Працяг абяцаюць выкладаць штотыдзень.
Падпісвайцеся на культурныя навіны Reform.news у Telegram
