Як выглядае сямёрка шортараў прэміі імя Алеся Адамовіча — прэміі, якая адзначае творы, што робяцца важным голасам часу?

Reform.news · 3 сентября 2025, 17:44

https://reform.news/jak-vygljadae-sjamjorka-shortara-prjemii-imja-alesja-adamovicha-prjemii-shto-adznachae-tvory-shto-robjacca-vazhnym-golasam-chasu/

Сёння, у афіцыйны дзень народзінаў Алеся Адамовіча, Беларускі ПЭН абвесціў кароткі спіс прэміі ў гонар беларускага пісьменніка і публіцыста — прэміі, што адзначае творы, прысвечаныя актуальным праблемам сучаснасці.

У лік шортараў-2024 трапілі:

1. «Ад двух да пятнаццаці: Мая мама ў турме» – Вольга Вялічка (выдавецтва «Gutenberg Publisher»);

2. «Фэмінізацыя беларускай мовы: Сацыялінгвістычнае дасьледаваньне» – Уладзіслаў Гарбацкі (выдавецтва «Skaryna Press»);

3. «Эвридика, проверь, выключила ли ты газ» – Таццяна Заміроўская (выдавецтва «Мяне няма»);

4. «Цела таксама архіў» – Наста Манцэвіч, Алок Вайд-Мэнан (выдавецтва «Пфляўмбаўм»)

5.  Сайт праваабарончага цэнтра «Вясна» – праваабарончы цэнтр «Вясна»;

6. «Нічога нястрашнага» – Сяргей Прылуцкі (выдавецтва «hochroth minsk»);

7. «Солидарность потрясённых. Эссе о Беларусской революции» – Таццяна Шчытцова (выдавецтва «Логвінаў»).

Сёлета статутам прэміі былі афіцыйна пералічаныя формы, што могуць браць удзел у конкурсе.  Прэмія ўручаецца не толькі за кнігі, але і за іншыя фарматы творчага выказвання: публіцыстыку, падкасты, дакументальнае кіно, відэапраекты. Мэта застаецца нязменнай – ушанаванне памяці Алеся Адамовіча і адзначэнне найлепшых твораў, прысвечаных актуальным праблемам сучаснасці.

Лаўрэатак мінулага года – Віку Біран з кнігай «Я танцую» і Ганну Янкута з кнігай «Час пустазелля» – аб’ядноўвае здольнасць ператварыць асабісты і нацыянальны досвед у тэксты, што робяцца больш чым літаратурай.

Сёлета кароткі спіс пацвярджае: нягледзячы на ўсе выпрабаванні, беларуская культура працягвае гаварыць і застаецца гучнай.

Падпісвайцеся на культурныя навіны Reform.news у Telegram