Скрыншот з відэа.
«Надзея» — новая песня і кліп NaviBand імкліва набіраюць прагляды на YouTube-канале беларускага гурта. Светлая кампазіцыя аўтарства Арцёма Лук’яненкі — пра навагоднія і калядныя святы, пра душэўнае цяпло, любоў і надзею. «Гэта ноч для нас з табою, Гэта ноч дае свабоду. А для тых хто не паверыў, Гэта ноч дае надзею», — гучыць прыпеў у новым трэку.
Над новым відэа беларускага гурта працавалі: Аляксандр Табольскі, Яраслаў Таміла і Аляксандр Вавілаў.
«Надзеяй» поп-індзі-бэнд, які сёлета адзначыў свае 10-годдзе, анансаваў і канцэрт-прэзентацыю новага альбома. Ужо зараз на падзею, якая адбудзецца ў траўні 2025 года, можна набыць квіткі. Таксама музыканты адкрылі збор на выпуск альбома — падтрымаць гурт можна тут.
Падпісвайцеся на культурныя навіны Reform.news у Telegram