Фундацыя Inexkult сабрала пяцьсот подпісаў аб вылучэнні памяшкання для беларускіх тэатральных праектаў у Варшаве

«Калегі! Сябры! За гэты тыдзень мы сабралі ўжо пяцьсот (500!) подпісаў пад нашай петыцыяй аб вылучэнні памяшкання для дзейнасці беларускага тэатра ў Варшаве. Нас падтрымалі і Альгерд Бахарэвіч, і Маляваныч, падтрымайце і вы – павялічце спраўным рухам рукі верагоднасць нашых сустрэч і супрацоўніцтва ў новай прасторы«, — паведамляецца у фэйсбуку тэатральнай фундацыі Inexkult.

Падпісаць петыцыю можна перад усімі спектаклямі INEX ФЭСТ у жніўні, а таксама:

• Бар Karma crew Warsaw (Aleja 3 Maja 15, Warszawa)
• BackDoor Bar Warszawa (Chmielna, 7/9, Warszawa)
• Teatr Powszechny Warszawa (Jana Zamoyskiego, 20)
• Teatr WAM Warszawa (Zgrupowania AK «Kampinos», 15)
• Teatr TR Warszawa (Marszałkowska, 8)

Нагадаем, што фундацыя Inexkult пры падтрымцы творчага асяроддзя і шырокіх колаў беларускай публікі просіць вылучыць памяшканне на тэрыторыі Варшавы, дзе мог бы весці сваю дзейнасць беларускі тэатр, адкрыты для ўсіх незалежных беларускіх калектываў, што працуюць у Польшчы і іншых еўрапейскіх краінах.

Плануецца, што новая тэатральная прастора будзе адкрытай для разнастайных ініцыятыў і дыскусій. Гэта будзе месца для сустрэч, імпрэзаў, адукацыі, навукі і вольнага часу. Месца, створанае супольнымі намаганнямі пры падтрымцы сяброў.

Падпісвайцеся на культурныя навіны Reform.by у Telegram