Фонд Tutaka вяртае конкурс выканаўцаў на фэст «Бардаўская восень», пераможцу вызначаць праз сацсеткі
Reform.news · 19 сентября 2025, 18:27
https://reform.news/fond-tutaka-vjartae-konkurs-vykana-ca-na-fjest-barda-skaja-vosen-peramozhcu-vyznachac-praz-sacsetki/Фестываль беларускай бардаўскай і аўтарскай песні «Бардаўская восень 2025» сёлета святкуе 30-гадовы юбілей. Адметнасць юбілейнай эдыцыі фэсту — вяртанне конкурсу выканаўцаў. Упершыню ў гісторыі фестывалю абіраць пераможцу конкурсу будзе аўдыторыя праз сацыяльныя сеткі.
Да ўдзелу ў конкурсе запрашаюць беларусаў і беларусак, якія:
- пішуць і выконваюць свае песні па-беларуску,
- маюць мінімум 4 аўтарскія творы,
- жывуць у адной з краін Еўропы.
Каб узяць удзел, трэба да 30 верасня запоўніць анлайн-форму і даслаць запіс адной уласнай песні на беларускай мове.
Конкурс адбудзецца анлайн праз адкрытае галасаванне ў сацсетках Tutaka.
Найлепшы гурт ці выканаўца атрымае грашовую ўзнагароду і магчымасць выступіць на сцэне 24–25 кастрычніка 2025 у Бельску Падляшскім у межах фестывалю.
Падпісвайцеся на культурныя навіны Reform.news у Telegram