Дзень Гомеля сёння адзначаць у Варшаве

Сёння варшаўскі бар Karma Crew ператворыцца ў сапраўдны Гомель з тым самым адчуваннем дому. На альтэрнатыўны Дзень Гомеля запрашаюццца ўсе беларусы, нават калі яны ніколі ў Гомелі не былі.

Праграма зроблена так, каб кожны знайшоў нешта сваё:

• 14:45–17:00 — гарадская гульня Схватка. Інтэлектуальны драйв і прыгоды. Рэгістрацыя тут.
• 16:00 — шахматны турнір. Рэгістрацыя тут.
• 17:00 — афіцыйны старт мерапрыемства. Чакаецца маркет рамеснікаў; дранікі і гомельскае піва (абяцаюць «Новабеліцкае»); можна будзе размалявацца пад вавёрку і набыць мерч.
• 18:00 — пазнавальная лекцыя пра крымінальнае мінулае Гомеля. Захапляльная гісторыя пра цёмны, але вельмі цікавы бок горада.
• 19:30  — выступ жаночага хору SPIEVY
  — абрад (удзел — 40 злотых, аплата на месцы)
  — пасля — адкрыты бясплатны канцэрт для ўсіх гасцей
• 21:15 — выступ музыкі (анонс вельмі хутка)
• з 22:00 — DJ Aslamin і DJ Zal.

Гамельчукі і жыхары іншых беларускіх гарадоў збіраюцца ў Варшаве, каб адсвяткаваць Дзень Гомеля ў выгнанні, ужо ў трэці раз. Летась удзельнікі імпрэзы набывалі мерч са схемай гомельскага метро і іншыя сувеніры, слухалі лекцыю пра гісторыю Гомеля, удзельнічалі ў квізе і іншых актыўнасцях.

Уваход вольны.

Адрас: Бар Karma Crew, Aleja 3 Maja 15, Варшава.

Падпісвайцеся на культурныя навіны Reform.news у Telegram