Чацвёртую кнігу «Хронік Нарніі» ў перакладзе на беларускую мову можна будзе набыць у Мінску

У снежні стартуе продаж чацвёртай кнігі «Хронік Нарніі» Клайва Стэйплза Льюіса «Конь і яго хлопчык» у перакладзе Яны Уладыкі. Мінская кнігарня “Акадэмічная кніга” плануе старт продажаў на 14 снежня.

Вокладку для беларускага выдання зрабіў Раман Сустаў, унутраныя ілюстрацыі — Лада Цішкова. Рэдактары — Марына Казлоўская, Надзея Кім.

Раней па-беларуску выходзіла тры з сямі кніг серыі: «Пляменнік чараўніка» (2016), «Леў, вядзьмарка і гардэроб» (2017), «Прынц Каспіян» (2022).

Падпісвайцеся на культурныя навіны Reform.by у Telegram