"Навібэнд" на Навагоднім канцэрце на Белсаце.Фота: сайт медыя.
Калі вы яшчэ не вырашылі, што будзе фонам на вашым экране ў навагоднюю ноч, мы сабралі галоўныя пункты збору беларусаў на YouTube. Гэты вечар будзе асаблівым — шчырым, месцамі сумным, але вельмі «сваім».
Рэдактары Reform.news Фёдар Паўлючэнка і Аляксандр Атрошчанкаў падводзяць вынікі 2025 года ў сваім фірмовым іранічным стылі.
Галоўная тэма: Чаму Лукашэнка стаў «уюном года»?
Чаго чакаць: Разбору галоўных навін праз прызму жартаў, весялосці і здаровага скептыцызму. Выпуск пачнецца а 19:00.
Сёлетні эфір «Белсату» будзе пранізаны пачуццём удзячнасці. 21 снежня ад нас сышоў Мікіта Мелказёраў — чалавек, які зрабіў велізарны ўнёсак у сучасную культуру. Гэтая ноч — магчымасць пабачыць яго апошнія працы.
21:45 — «Мова нанова»: Апошняя размова Мікіты з Лявонам Вольскім (які сёлета адзначыў 60-годдзе).
22:15 — «Хай Так TV»: Міхась Зуй і Дзмітрый Есяневіч з гумарам пра дэфіцыт бульбы і амерыканскія лекі для пахудзення Лукашэнкі.
22:45 — Святочны канцэрт: Кацярына Ваданосава, Аляксандр Івулін, Сяргей Чалы і любімыя гурты: J:MОРС, РСП, Kriwi, NaviBand.
Каманда «Маланкі» запрашае ў прамы эфір для сувязі з беларусамі ва ўсім свеце.
Сёлетні зварот стане гістарычным — у ім сярод іншых прыняла ўдзел Марыя Калеснікава.
Час: 23:47 па мінскім часе.
Дзе глядзець: Канал Святланы Ціханоўскай, «Белсат», «Маланка Медыя».
Важна: Франак Вячорка папярэджвае пра магчымыя спробы заблакаваць YouTube у Беларусі падчас звароту.
Што рабіць: Калі YouTube перастане грузіцца, адразу пераходзьце ў Telegram-канал Святланы Ціханоўскай альбо шукайце трансляцыю ў іншых сацыяльных сетках (Instagram, Facebook).
Падпісвайцеся на культурныя навіны Reform.news у Telegram