Ключавыя моманты маніфесту «Больш чым культура», напісанага Максімам Жбанковым, Мікалаем Халезіным і Надзеяй Зелянковай, атрымалі візуальнае ўвасабленне ў кароткіх анімаваных відэа «12 тэзісаў пра культуру». Новы праект — культуралагічны серыял у фармаце бліц-эпізодаў — прадстаўляе Беларуская Рада культуры.
«Максімальна сцісла, дасціпна, ярка і дынамічна распавядаем пра культурнае самавызначэнне, культурніцкую палітыку, важнасць гуманітарнай адукацыі і магчымасць кожнага з нас стаць амбасадарам нацыянальнай культуры», — распавядае пра праект кіраўнік арганізацыі Сяргей Будкін.
Цягам месяца відэа, якія доўжацца менш за хвіліну, будуць з’яўляцца ў тэлеграм-канале і інстаграме партала KYKY.org.
У першай серыі распавядаецца пра важнасць рэсурсаў для нацыянальнай культуры.
«Без іх мы пераўтворымся ў каланіяльную правінцыю і дазволім чужынцам выдумляць нашае мінулае, кіраваць нашым сёння і вызначаць нашую будучыню», — дадае Сяргей Будкін.
Паглядзець ролікі «12 тэзісаў пра культуру» можна тут.
Падпісвайцеся на культурныя навіны Reform.news у Telegram
Если вы нашли ошибку, пожалуйста, выделите фрагмент текста и нажмите Ctrl+Enter.
Сообщить об опечатке
Текст, который будет отправлен нашим редакторам: