Фото: тэлеграм-канал Міністэрства культуры.
Беларусь звярнулася да Кітая ў пошуку інвестыцый для рэканструкцыі архітэктурных ансамбляў і аб’ектаў. Сёння Міністэрства культуры краіны справаздачылася аб правядзенні Беларуска-Кітайскага інвестыцыйнага форума па рэканструкцыі палацава-паркавых комплексаў і сядзіб.
Форум адбыўся анлайн пры падтрымцы амбасады Рэспублікі Беларусь у КНР сумесна з ведамствамі культуры, спорту і турызму, Нацыянальным агенцтвам інвестыцый і прыватызацыі Рэспублікі Беларусь, а гэтаксама аблвыканкамамі.
З кітайскага боку ўдзел у форуме прынялі прадстаўнікі органаў дзяржкіравання, буйных кампаній і карпарацый, профільных палат і асацыяцый, інфармуе Мінкульт.
«Кітайскія партнёры азнаёміліся з інвестыцыйным патэнцыялам беларускіх палацава-паркавых комплексаў і сядзіб у Віцебскай, Гомельскай, Мінскай і Магілёўскай абласцях», — падвяло вынікі мерапрыемства ведамства.
Падпісвайцеся на культурныя навіны Reform.by у Telegram