ЗША здымаюць санкцыі з беларускага калію

Рэдакцыя Reform.news · 13 снежня 2025, 14:35

https://reform.news/be/zsha-zdymajuc-sankcyi-z-belaruskaga-kaliju/

Злучаныя Штаты Амерыкі здымаюць санкцыі з беларускага калію. Пра гэта заявіў журналістам спецпасланнік ЗША па Беларусі Джон Коўл, паведамляе прэс-служба Аляксандра Лукашэнкі.

“У адпаведнасці з указаннямі прэзідэнта Трампа ЗША здымаюць санкцыі. Мы шукалі, і, думаю, гэта вельмі добры крок з боку ЗША для Беларусі. Мы здымаем іх цяпер, камунікацыя на гэтую тэму будзе працягвацца і далей. Па меры нармалізацыі адносін паміж дзвюма краінамі ўсё больш санкцый будзе здымацца”, — заявіў ён.

Коўл таксама выказаў надзею, што ў будучыні бакі прыйдуць да сітуацыі, калі санкцый не будзе ўвогуле.

Нагадаем, перамовы Аляксандра Лукашэнкі са спецпасланнікам ЗША Джонам Коўлам, распачатыя напярэдадні ў пятніцу, 12 снежня, працягнуліся і ў суботу, 13 снежня.