Карыстальнікі ў сетцы дзеляцца фота, відэа і каментарыямі ў сувязі з новым рэжымам вулічнага асвятлення. Нагадаем, напярэдадні Аляксандр Лукашэнка выказаў незадаволенасць тым, як уключаецца і выключаецца вулічнае асвятленне. Паводле яго слоў, ліхтары гараць, калі на вуліцы ўжо светла. Лукашэнка лічыць, што такое можа прывесці да вайны.
«Яшчэ, што злуе і ўражвае. Учора ў шэсць гадзін вечара ўся Мінская вобласць свеціцца. Гараць агні. І гэта характэрна для ўсіх. Пеняйце самі на сябе. Будзеце плаціць мінімум са сваёй кішэні. Усё на вуліцах — ліхтары ўключаныя, усё ззяе. Мінская вобласць і далей — усё гарыць. У шэсць гадзін вечара. Навошта? Ужо ў палову восьмай можна выключыць раніцай святло на вуліцы, выключыць, асабліва цяпер, калі снегу шмат, на вуліцы светла. Не — усе ліхтары гараць», — сказаў ён.
Паводле яго слоў, ён даручыў разабрацца з гэтым пытаннем. Яму далажылі, што некарэктна працуюць фотаэлементы.
«Учора службе даручаю: разбярыцеся. Пачалі разбірацца. Фотаэлемент у Турчына, а цяпер у новага губернатара не працуе фотаэлемент. Лухта поўная. Лухта поўная. Адрэгулюйце гэтыя фотаэлементы, каб электрычнасць аўтаматычна з вашым штучным інтэлектам выключалася ў 7 гадзін раніцы. І загаралася святло не ў шэсць гадзін вечара, а ў восем. Палічыце — 4–5 гадзін гарыць уся краіна, свеціцца. Колькі мы трацім грошай! Вось вашы падыходы», — заявіў ён.
Сёння беларусы змаглі ацаніць ідэю на свае вочы. Мы сабралі падборку каментарыяў жыхароў Мінска, у якіх яны дзеляцца сваімі адчуваннямі.
«Выйшлі сёння з сынам з трэніроўкі па паркуру і афігелі — цёмна, як у бабулі ў агародзе летам ва Украіне. Зоркі відаць як на далоні. Ажно офігець, якая прыгажосць! У Мінску на вуліцы цемра да 19.00 — хоць вока выкалі. Спускаліся па слізкай лесвіцы амаль навобмацак. Аказваецца, указ прэзідэнта аб эканоміі электраэнергіі! Ну што ж… Цяпер давядзецца ўсім насіць з сабой ліхтарыкі. Усе гэта паспелі ацаніць?»
«Апладзірую стоячы гэтаму геніяльнаму рашэнню ўключаць вулічнае асвятленне пасля 19. Усе едуць дадому ў абсалютнай цемры, прарэзанай асляпляльным святлом фар. Пешахода можна толькі як сілуэт на фоне снегу адрозніць. Нормы ўзроўню асветленасці выйшлі ў акно. А вось падсветку фасадаў чамусьці ўключаюць як звычайна. Трэба тэрмінова разабрацца!»
«18:49 на вуліцах Мінска крамешная цемра. Указ у дзеянні. Падышла да акна і здзівілася. Горада не відаць, у цемры рухаюцца аўтамабілі. У мяне нейкі жудасны вірус, хварэю ўжо 3-я суткі, на горад гляджу толькі з акна. Вось цяпер думаю, як у такія неасветленыя перыяды пераходзіць дарогу, як аўтамабілям перасякаць буйныя скрыжаванні? Бо гэта ж якраз гадзіна пік, і людзі вяртаюцца дадому (на працу будзе тая ж гісторыя, мяркую). Можна ж пакінуць з ліхтарамі хаця б скрыжаванні!»
«Мінск, заўважылі, што ў 18.54 святла па горадзе няма?) Цемнавата і сумна»
«Мінск! Хто звярнуў увагу на выключанае асвятленне да 19.00???? На мой погляд, гэта нейкі трындзец! На МКАД усе тармозяць і с*уць перабудоўвацца!»
«А дзе святло ў горадзе? Гэта жах, нічога не відаць, столькі аварый будзе… Змрок, як дзецям і старым хадзіць».
«Я міма парку Горкага ехаў — дык і там усё вырубілі. У іншых парках таксама, думаю. Інтым і рамантыка, заадно нараджальнасць павысіцца»
«Мінск. Усім камфортна ехаць па неасветленай кальцавой?? Не ў сэнсе з бацюшкам)».
«А каго хвалюе лёс пешаходаў? Галоўнае — эканомія! У краіне, дзе пабудавана АЭС і ёсць лішак электраэнергіі».
Мінск, 19.00 — уключыліся ліхтары. У мяне няма прыстойных слоў, як гэта каментаваць.
«Цемра, што прыйшла з Міжземнага мора, накрыла ненавісны пракурорам горад. Зніклі вісячыя масты, што злучаюць храм са страшнай Антоніевай вежай, апусцілася з неба бездань і заліла крылатых багоў над іпадромам, Хасманейскі палац з байніцамі, базары, караван-сараі, завулкі, сажалкі… Знік Ершалаім — вялікі горад, нібыта не існаваў на свеце».
