Зяленскі правёў “прадметную” размову з Рубіа

Рэдакцыя Reform.news · 20 кастрычніка 2026, 09:58

https://reform.news/be/zjalenski-pravjo-pradmetnuju-razmovu-z-rubia/

Прэзідэнт Украіны Уладзімір Зяленскі правёў размову з дзяржсакратаром ЗША Марка Рубіа. Ён назваў яе “прадметнай”.

“Гаварыў з Марка Рубіа, і гэта было прадметна – па тых пытаннях, якія маюць значэнне. Удзячны за гатоўнасць дапамагчы і ясную пазіцыю. Першае – гэта перахопнікі супраць балістыкі, неабходныя для абароны жыцця. Другое – ранняе папярэджанне пра расійскія атакі балістыкай, што з’яўляецца жыццёва важным. Трэцяе – сітуацыя вакол Старлінка/Старшылда, якую трэба аднавіць. Зразумела, усё гэта на фоне нашых дыпламатычных намаганняў, каб скончыць гэтую жахлівую вайну і пастаянныя забойствы людзей”, – напісаў Зяленскі.

Паводле яго слоў, бакі дамовіліся неўзабаве звязацца зноў. Ён таксама падзякаваў амерыканскаму дзяржсакратару за канструктыўную пазіцыю.

Размова адбылася на фоне рэгулярных нападак прэзідэнта ЗША Дональда Трампа на Зяленскага. Трамп нават заявіў, што перамовы ад Украіны наконт заканчэння вайны павінен весці не Зяленскі, а нехта іншы.