Фото: sudexpert.gov.by
Судовыя эксперты з дапамогай дактыласкапіі ўстанавілі асобу жанчыны, якая трапіла пад колы аўтамабіля ў Мінскім раёне. Яна знаходзілася без прытомнасці і не мела пры сабе дакументаў.
Аварыя адбылася ўвечары 11 жніўня каля 20:00 на 21-м км дарогі М-14 каля вёскі Куты. 71-гадовы кіроўца Renault Megane наехаў на жанчыну, якая перабягала дарогу злева направа па ходзе руху аўтамабіля па-за пешаходным пераходам. Пацярпелую з траўмамі даставілі ў бальніцу. Жанчына знаходзілася без прытомнасці і дакументаў, таму для ўстанаўлення яе асобы судовы эксперт Мінскага міжраённага аддзела ДКСЭ правёў дактыласкапію непасрэдна ў рэанімацыйным аддзяленні.
Атрыманыя даныя праверылі, пасля чаго ўстанавілі асобу пацярпелай. Як паведамілі ў Дзяржаўным камітэце судовых экспертыз, ёю аказалася 44-гадовая жыхарка Вілейскага раёна.
Для ўстанаўлення ўсіх абставін аварыі прызначаны шэраг экспертыз, у тым ліку аўтатэхнічная і судова-медыцынская.
Па факце ДТЗ Мінскі раённы аддзел Следчага камітэта распачаў крымінальную справу.